Velkommen til Vevang Produksjon!

Nytta har vore på besøk hos Vevang, som er ei arbeids- og inkluderingsbedrift som leverer ei rekke tenester. - Vi kan gjere alt mulig, seier dagleg leiar Ingunn Eiken, før ho viser rundt på huset. Den først vi møter er Thea som har vevd si første fillerye. Den ser heilt proff ut, og Thea får skryt. Ingunn får ein varm klem. Thea har tidlegare ytra ønske om å komme i Firda, og no blir ho teken bilde av. Det er nesten det same.

Open dag

Vi får sett vaskeriet som er godkjent og jevnleg kontrollert. Tenesta er velkjent og brukt av til dømes overnattingstilboda i kommunen og nabokommunane. Vevang tilbyr henting og levering. Her er ein flott verkstad for tre og stål, ei avdeling der ein kan utfolde seg kunstnerisk og kreativt, og ein butikk der produkta som blir laga er til sals. Vevang leverer òg praktisk bistand som heimeteneste, klipping av grøntareal, og levering av ved. I dag er det hektisk aktivitet for å få alt klart il open dag på laurdag. Kantineområdet kjem då til å bli forvandla til ein kafè. Håpet er at riktig mange vil komme.

Viktig jobb

Nokre av dei tilsette jobbar her på huset, andre er ute i andre bedrifter med oppfølging frå Vevang. Det kan være førebuande arbeidstrening eller bruk av restarbeidsevne. Vevang er heileigd av Fjaler kommune og leverer sine tenester blant anna til NAV. Dei har óg samarbeid med Dale VGS. Studentar kan være her i deler av utdanninga si.

Det å ha ein jobb å gå til, eit miljø å høyre til i, burde være ein menneskerett meiner Ingunn. Ho og Monika, som begge er utdanna sosionomar, fortel om eit arbeidsmiljø som over ti år har over 90% tilfredsheit bland dei tilsette. - Dei som jobbar her veit at dei er viktige. At jobben blir gjort avhenger av at dei kjem på jobb. Det er stor takhøgde, folk får brukt ressursane sine og utvikle seg, forklarer Monika Høyvik Landsøy. ingunn opplever eit litt omvendt problem her; Dette med å måtte ta ut ferie, for det er det slett ikkje alle som har lyst til. Ho har fått telefon om ein ikkje kan få komme tilbake ei veke tidlegare. - Det viser kor viktig jobben hos oss er.

Ekspertbistand

Monika skryter også av sjefen som alltid klarer å sjå nye moglegheiter og utvikling. Det smittar over. Vel, vi er flinke til å hive oss fort rundt, og seier sjeldan nei supplerer Ingunn. Nytt av året er at dei skal starte med ekspertbistand. Det er ei kostnadsfri teneste for arbeidsgiverar, finansiert av NAV, der arbeidsgivar og arbeidstakar får hjelp frå ein nøytral ekspert til å avklare utfordringane som fører til sjukefråvær. Så om ein ber om at Vevang skal utføre denne tenesta, kjem Ingunn og Monika og kartlegge. Dei har lang erfaring med å tilrettelegge for eit godt arbeidsmiljø, etter henholdsvis 16 og 12 år i Vevang Produksjon AS.

Til slutt her kan det passe å avkrefte eit par myter og og misforståingar. Vevang leverer inn tilbod med prisar på jobbar, ut frå ordinær produksjon. Dei har ikkje lov til å dumep prisar, og iblant vinn dei jobben, andre gonger ikkje. Fortenesta frå drifta går inn igjen i bedrifta, til investering i utstyr. Dei går stort sett i balanse.
Og så ein heilt annan ting: Dei vaskar IKKJE draktene til fotballaga. Det er det dagsenteret som gjer :-)